Sipas protokollit, duke refuzuar ftesën për t’u ulur, përfaqësuesit e BSP-së i kthyen Presidentit Rumen Radev mandatin e tretë, të fundit eksplorues të paplotësuar për të formuar një qeveri në Legjislaturën e 47-të të Kuvendit Popullor.

Kreu i shtetit ka për të shpërndarë parlamentin dhe për të caktuar një datë për zgjedhje të parakohshme. Krahas kësaj ai duhet të emërojë edhe një qeveri teknike.

“Koalicioni qeverisës i lë trashëgim kabinetit teknik krizën në energjetikë, e cila mund të kthehet në kolaps të ekonomisë dhe sistemit social”, tha presidenti dhe vuri në dukje se kjo është trashëgimia më e rëndë e qeverisë.

I pyetur nga kryetarja e BSP-së, Kornelija Ninova se a do ta zgjasë punën e Kuvendit Popullor, Radev shkurtimisht u bëri thirrje deputetëve që deri në fund të javës ta përfundojnë punën.