Frymëmarrja e gazit të parajsës është një modë që, me fluturimet e saj joshëse, pavarësisht dhe kalimtare përtej realitetit, po magjeps gjithnjë e më shumë adoleshentë.Por, del se loja e tyre fare nuk është padëmbshme.
Kur ka mungesë totale të oksigjenit në trup, indi nervor është më i prekuri, pasi ka pak mundësi për rigjenerim.“Nuk ka organ apo ind që nuk vuan – sidomos gjatë një përdorimi ekstrem”, thotë doktori Jasen Grozev.
Ai largon keqkuptimin se thithja e gazit të parajsës pak nga pak nuk përbën një rrezik serioz.Për shembull, mund të arrihet deri në dëmtime afatgjatë në sistemin hematopoietik dhe, si rezultat përfundimtar, pacienti humbet koordinimin, aftësinë për të qëndruar në këmbë, ecje të qëndrueshme.
Rezulton se, balonat e gazit të parajsës shiten lirisht dhe ligjërisht, dhe shpërndarja e tyre është pothuajse e rrufeshme.Në të njëjtën kohë, nuk ka kontroll - as policia dhe as inspektorati shëndetësor nuk kryejnë inspektime.
Plovdivi është një nga qytetet, që gdhihet me shishe të çrregullta, të hedhura në parqe dhe vende të tjera publike.Ndaj specialistët pranë Këshillit Bashkiak për Substancat Narkotike kanë marrë përsipër detyrën t'u shpjegojnë prindërve simptomat dhe dëmet e përdorimit të lëndëve narkotike dhe psikopative, duke përfshirë këtu gazin e parajsës, si dhe gjatë vitit shkollor të mbajnë leksione për nxënësit.
“Oksidi nitrik është shumë më toksik nëse kombinohet me alkool, gjë që ndodh shpesh në bare, ose me substanca të tjera narkotike dhe psikopative, duke përfshirë pijet energjike të preferuara nga shumë të rinj -e drejton vëmendjen psikologja Daniella Dimitrova, e cila punon mbi programin e Bashkisë së Plovdivit. - Kur gazi i parajsës thithet në mënyrë të drejtpërdrejtë nga kapsula, në vend se nga balona, ndikimi i tij është shumë më i madh. Përveç kësaj, këto kapsula shpesh janë të lira dhe janë një import i pa rregulluar nga Kina. Është saktësuar se, ato përmbajnë grimca pluhuri dhe mbetje vajore, të cilat mungojnë nga ato të blera nga burime me reputacion për përdorim në mjekësi ose në industrinë ushqimore”.
Ministrja ekonomike në dorëheqje Kornelia Ninova njoftoi se, Komisioni për Mbrojtjen e Konsumatorëve po fillon kontrolle 24 orësh nëpër diskoteka, restorante, bare, si dhe në rrjetet sociale të shitjes online të gazit të parajsës.
“Aty ku saktësohet se një gjë e tillë rastis, do të nxirret një akt i ndalimit të përkohshëm të shitjes-deklaroi ajo. Ai që nuk e zbaton këtë masë, do të gjobitet me 25 mijë leva. Dhe meqenëse nuk kemi një kuadër normativ, e luta grupin parlamentar të “Partisë Socialiste Bullgare për Bullgarinë” deri për disa orë për të futur një ndryshim me dy fjalë në Ligjin për Mbrojtjen e Fëmijëve, që mund të shpëtojnë jetën e shumë fëmijëve. Në këtë mënyrë ndaj tekstit për ndalimin e shitjes së cigareve dhe alkoolit do të shtohet dhe shitja e gazit të parajsës”.
Përpiloi: Diana Cankova/ në bazë të intervistave të BNR-“Horizont” dhe BNR-Plovdiv/
Përgatiti në shqip: Nataniela Vasileva
Foto: vita.bg, freepik, pexels, BNR-Plovdiv, BGNES
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i Dioqezës Shpirtërore të Sofjes. Froni mbeti bosh më 13 mars, kur patriarku i ndjerë bullgar dhe mitropolit..
Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin ekzekutiv të agjencisë ekzekutive "Kërkimi dhe mirëmbajtja e lumit Danub" (IAPPD) në Ruse, Ivelin Zanev...
Shoqata Bullgare për Mbrojtjen e Zogjve njoftoi mbarështimin e parë të suksesshëm të një shkabe egjiptiane në natyrë në vendin tonë. Zogu konsiderohet..
Pranë ujëvarës së fshatit Pollska Skakavitsa, Kjustendill, adhuruesit e fluturave dhe kafshëve të egra u mblodhën në "Festën e Fluturave" për të vëzhguar..
Qyteti danubian i Tutrakanit mbledh prodhuesit e kajsive të rajonit për festën tradicionale "Tutrakan - Kryeqyteti i Kajsisë". Adhuruesit e..