Operacionet aktive ushtarake vazhdojnë në Donbas. Shtabi i Përgjithshëm i Ukrainës shkroi në Facebook se të gjitha sulmet ruse në Sllavjansk, Bahmut dhe Svjatogorsk u zmbrapsën.

Kompania private ushtarake ruse “Vagner” është ngarkuar të marrë në dorë sektorë të tërë të frontit në Donbas për shkak të mungesës serioze të këmbësorisë që përjeton Rusia, njoftoi Ministria Britanike e Mbrojtjes, cituar nga Reuters.

Gjatë 24 orëve të fundit, Rusia vazhdoi sulmin me raketa kundër shumë fshatrave të Ukrainës. Pas shkatërrimit të urave prej druri mbi Dniepër dhe degën Ingulenc, ushtria ruse u përpoq në çdo mënyrë të improvizuar të transferojë përforcime dhe municione në Herson. Komanda operative e Ukrainës Jug njoftoi shkatërrimin e 4 depove të reja me municione ruse dhe 7 sulme ajrore në plasdarmin rus.

Një varkë ukrainase u godit nga një minë, por mbeti në ujë në grykëderdhjen e Danubit. Nëpërmjet porteve ukrainase Izmaill, Reni dhe Ust-Dunajsk, si dhe përmes kanalit rumun Sulina, vazhdon eksporti i grurit ukrainas në Evropë dhe portet e Rumanisë dhe Bullgarisë, raporton UNIAN.

• Anija bullgare “Rozhen” do të jetë e para që do të eksportojë grurë ukrainas nga Çernomorsk