Ministria e Ekonomisë po kryen një anketë mes bizneseve për konsumin e gazit gjatë muajve të dimrit. Rezultatet do t’i raportohen shtabit të krizës për të ndihmuar vendimet e qeverisë për sigurimin dhe shpërndarjen e furnizimeve. Këtë e bëri të ditur Ministri teknik i Ekonomisë, Nikolla Stojanov, gjatë prezantimit të prioriteteve në punën e dikasterit të tij.

Prioriteti kryesor do të jetë përmirësimi i mjedisit të biznesit. “Situata në Bullgari për momentin është e tillë që unë si ushtrues detyre duhet të ndërmarr hapa më seriozë, të cilët nuk mund t’i shtyjmë, sepse krizat janë përballë nesh. Synimi ynë është të gjejmë zgjidhje biznesi që ndihmojnë, jo thjesht që nuk pengojnë”, tha Stojanov. Ai theksoi se tashmë është hartuar një listë e masave për të ndihmuar bizneset. Në muajt në vijim do të bëhen përpjekje për hyrjen e vendit në zonën Shengen.