Gjendja e jashtëzakonshme po vazhdon të jetë në fuqi në Haskovo për shkak të zjarreve në komunat Harmanli dhe Ljubimec. Ato ende nuk janë lokalizuar për shkak të erës së fortë.

Autostrada "Marica" do të mbyllet për të shmangur aksidentet në komunikacion, sepse zjarri në afërsi të fshatrave Dositeevo dhe Jerusalimovo po bllokon qarkullimin, tha për BNR guvernatori i rajonit Minko Angellov. Fatkeqësia është vënë nën kontroll në afërsi të fshatrave Momkovo dhe Vëllçe. Shtëpitë e pabanuara janë djegur. Dëmi është ende duke u vlerësuar. Supozohet se njëri zjarr afër linjës hekurudhore për në Turqi është shkaktuar nga një avari në një prej trenave.

Vazhdojnë të shuajnë zjarret e mëdha pranë fshatit Ellshica pranë Panagjurishte dhe fshatit Pëstrovo në rrethin e Stara Zagorës.