Të vaksinuarit kundër koronavirusit t’i nënshtrohen një karantine më të shkurtër është një ide që do të diskutohet të martën në këshillin e ekspertëve pranë Ministrisë së Shëndetësisë, njoftoi Ministri përgjegjës në detyrë Asen Mexhidiev. Sipas tij, nëse në ditën e pestë apo të shtatë testi antigjen i të karantinuarit rezulton negativ, ai do të mund të dal nga izolimi. “Problemi është se niveli i vaksinimit kundër Covid-19 në vendin tonë është shumë i ulët. Vendet që reduktuan karantinën kanë më shumë se 70 për qind të imunizuar, ndërsa tek ne janë rreth 30 për qind”, komentoi ministri. Ai tha gjithashtu se përgatitja e sistemit shëndetësor për një valë të re të mundshme Covid është një prioritet kryesor për ministrinë.