Bullgaria nuk do të mbështesë idenë e pezullimit të dhënies së vizave për shtetasit rusë për të hyrë në territorin e BE-së. Kjo u bë e qartë nga fjalët e zëvendësministrit të punëve të jashtme, Kostadin Koxhabashev. Ai e deklaroi këtë me rastin e këshillit të ardhshëm joformal në formatin e ministrave të jashtëm të BE-së, i cili do të diskutojë propozimin e Presidencës Çeke për ndërprerjen e marrëveshjes për lehtësimin e dhënies së vizave të nënshkruar ndërmjet Federatës Ruse dhe BE-së. Bullgaria do të mbështesë këtë lloj pezullimi të marrëveshjes, e cila ka të bëjë vetëm me lehtësimin dhe dhënien e vizave. Lidhur me heqjen e plotë të vizave për qytetarët rusë dhe turistët rusë, kjo çështje nuk është në rend dite, tha Koxhabashev.