Akademia Bullgare e Shkencave, së bashku me pesë universitete në Bullgari - universitetet e qyteteve Sofja, Plovdiv, Veliko Tërnovo, Shumen dhe Universiteti Jugperëndimor, po fillojnë një program “Studime bullgare” për të mbështetur gjuhën dhe kulturën bullgare. Tani për tani planifikohet për një periudhë 3-vjeçare. Aktivitetet janë të orientuara kryesisht për specialistët e gjuhës bullgare jashtë vendit. Do të financohen specializimet e shkencëtarëve të rinj të huaj ose doktorantëve specialistë në gjuhën, kulturën, historinë bullgare. Planifikohet të sigurohet qëndrim deri në tre muaj në Bullgari për ekspertët e huaj të afirmuar në këtë fushë, të cilët do të kryejnë kërkime të përbashkëta shkencore me kolegët e tyre bullgarë. Planifikohen edhe leksione udhëtimi.

Për shembull, Universiteti Joperëndimor “Neofit Rillski” planifikon një ligjëratë në të cilën do të tregohet bukuria e maleve Rilla dhe Pirin, tha për BNR Bllagoevgrad, Prof. Magdalena Kostova-Panajotova, dekane e Fakultetit Filologjik të Universitetit.

Interesi për gjuhën bullgare në Lindje - Japoni, Kinë - po rritet. Gjuha bullgare studiohet në tri universitete në Kinë dhe studentët janë jashtëzakonisht të motivuar, theksoi edhe Kostova-Panajotova.