Ministri i Mbrojtjes Dimitër Stojanov dhe shefi i Mbrojtjes Adm. Emill Eftimov do të marrin pjesë në një takim të Grupit të Kontaktit për ofrimin e ndihmës mbrojtëse për Ukrainën. Takimi në formatin “Rammstein” zhvillohet në bazën ushtarake me të njëjtin emër në Gjermani.

Gazeta “The Washington Post” shkruan se më 8 shtator, SHBA do të shpallë një paketë të re ndihme ushtarake për Ukrainën prej 675 milionë dollarë. Shefi i Pentagonit Lloyd Austin pritet të shpallë furnizimet e reja për Kievin në Ramstein.

Rusia ka kërkuar një mbledhje të Këshillit të Sigurimit të OKB-së për të diskutuar çështjen e furnizimeve "kërcënuese për paqen" për Ukrainën nga vendet perëndimore, tha përfaqësuesi i Moskës në OKB, Vasil Nebenzja, cituar nga TASS. Nebenzja e quajti lajme të rreme njoftimin nga Pentagoni dhe CNN se Rusia po blen municione nga Koreja e Veriut.