Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Elizabeth II ishte një gërshetim i dinjitetit, rreptësisë dhe përzemërsisë së madhe

| rinovuar më 22-09-09 12.21.MD
Foto: ЕPA/BGNES

Vdekja e mbretëreshës Elizabeth II 96-vjeçare më 8 shtator tronditi popullin britanik dhe shkaktoi një valë simpatie në mbarë botën.

“Mbretëresha Elizabeth II tregoi një interes të madh për historinë dhe kulturën e vendit tonë. Midis Bullgarisë dhe Britanisë së Madhe ka një partneritet strategjik, ka një dialog të shkëlqyer politik, ka bashkëpunim aktiv në një sërë fushash”, tha Presidenti Rumen Radev pas audiencës së tij në Pallatin Buckingham 4 vjet më parë. Presidenti i shprehu ngushëllimet e tij Mbretit Charles III, familjes mbretërore dhe popullit të Mbretërisë së Bashkuar me rastin e vdekjes së Mbretëreshës Elizabeth II. “Me vdekjen e saj, Britania e Madhe dhe bota humbën një personalitet të shquar, që me jetën dhe veprat e tij shënoi një epokë të tërë”, thuhet në letrën e ngushëllimit të presidentit Radev. Kreu i shtetit vë në dukje se Mbretëresha Elizabeth II renditet ndër personalitetet e mëdha të historisë që patën mundësinë të drejtonin popullin e tyre me mençuri dhe mjeshtëri të fortë shteti në kohëra të vështira të zhvillimit historik të njerëzimit.

“Mbretëresha Elizabeth II interesohej për Bullgarinë, ajo kishte njohuri të mira për marrëdhëniet mes dy vendeve tona”, komentoi për bTV ambasadori bullgar në Britaninë e Madhe, Marin Rajkov. Ai kujtoi takimin e tij me Elizabeth II tre vjet më parë: "Përshtypjet e mia janë të këtij kombinimi të dinjitetit, ashpërsisë dhe përzemërsisë së madhe". Marin Rajkov shtoi se trashëgimia e saj do të vlerësohet në të ardhmen.

Ambasada Britanike në Sofje dhe rezidenca e ambasadorit britanik ulën flamujt në gjysmështizë në shenjë zie. Menjëherë pas lajmit se mbretëresha kishte vdekur, bullgarët erdhën para ambasadës për të nderuar kujtimin e saj dhe për të lënë buqeta me lule.

"Ajo ishte një simbol i qëndrueshmërisë në kohë shumë të paqëndrueshme. Kur u bë mbretëreshë, kryeministër i Britanisë së Madhe ishte Winston Churchill, i cili lindi në 1874. Pak ditë më parë, ajo ia besoi formimin e kabinetit kryeministres se re Liz Truss, e lindur në vitin 1975. Ndodhën ndryshime të mëdha, revolucione kulturore” – vuri në duke para BNR, diplomati Stefan Tafrov, ish-ambasador në Britaninë e Madhe.

Ajo ishte një person që ndërtoi një urë midis 3 shekujve, theksoi për BNR doktor Boris Stojanov nga Fakulteti i Historisë i Universitetit të Sofjes. “Pa dyshim, ajo është produkt i një epoke që mbart frymën, konservatorizmin, kodin moral të fundit të shekullit të 19-të dhe të fillimit të shekullit të 20-të. Në të njëjtën kohë, gjatë jetës së saj ajo duhej të mbante, të pasqyronte shenjat e vuajtjes, të ndarjes, të ndryshimit, të shpërbërjes së moralit, me të cilat u karakterizua shekulli i 20-të. Jeta e saj si monarke u dominua nga hija e Luftës së Ftohtë dhe apokalipsit bërthamor. Ajo përjetoi edhe këtë kohë, që të vijë epoka e kufijve të hapur, e botës globale”, shtoi studiuesi. 



Последвайте ни и в Google News Showcase, за да научите най-важното от деня!

Më shumë nga rubrika

Калин Джорджеску

Ngjarjet me adresë ballkanike

Autoritetet rumune largojnë Calin Georgescu nga zgjedhjet presidenciale Calin Georgescu nuk do të lejohet të marrë pjesë në zgjedhjet presidenciale në Rumani në maj. Kandidatura e tij u anulua nga Komisioni Qendror i Zgjedhjeve. Pas këtij..

botuar më 25-03-15 8.30.PD

Komentet pas vendimit të Gjykatës për rishpërndarjen e votave

Vendimi i Gjykatës Kushtetuese për rezultatet e zgjedhjeve parlamentare të tetorit 2024 u komentua nga forca të ndryshme parlamentare. Zëvendëskryeministri Tomisllav Donçev nga GERB komentoi pyetjen se a ka rrezik për qeverinë dhe mazhorancën: "Një..

botuar më 25-03-13 6.34.MD
Kryeministri Rosen Zheljazkov

Kryeministri Rosen Zheljazkov mirëpret propozimin për një armëpushim njëmujor në Ukrainë

Bullgaria mirëpret marrëveshjen e armëpushimit në Ukrainë të arritur ndërmjet delegacioneve të Kievit dhe Uashingtonit, të cilët u takuan të martën në Xheda të Arabisë Saudite. Kjo duket qartë nga një postim i kryeministrit Rosen Zheljazkov në..

botuar më 25-03-12 10.36.PD