Në shkollë do të edukoheni të jeni qytetarë të Bullgarisë, qytetarë të botës dhe të konkurroni me bashkëmoshatarët tuaj në mbarë botën. Me këto fjalë Ministri në detyrë i Arsimit Prof. Sasho Penov e hapi vitin shkollor në Shkollën e 18-të William Gladstone në Sofje. Kjo është shkolla e parë në Bullgari në programin e detyrueshëm mësimor të së cilës pas klasës së shtatë mësohen gjuhët lindore - japoneze, kineze, koreane dhe arabe. në ceremoni asistuan edhe ambasadorët e Japonisë dhe SHBA-së Narahira Hiroshi dhe Hero Mustafa të cilët e përshëndetën fëmijët për ditën e parë shkollore.

“Jam i bindur se ky entuziazëm dhe energji e nxënësve, mësuesve dhe prindërve në këtë ditë bullgare është një shtysë e fortë dhe një premtim për të ardhmen tonë si komb”, tha Presidenti Rumen Radev me rastin e 15 shtatorit. Hapjen e vitit shkollor e nderoi në shkollën e 43-të “Hristo Smirnenski” në Sofje.

“Fëmijë, ju jeni rojet moderne të letrave bullgare”, tha Kryeministri në detyrë Gëllëb Donev, i cili hapi vitin shkollor në Shkollën e 60-të “Shenjtor Kirill dhe Metodij”, ku studionte vetë ai.