Mobilizimi i pjesshëm i paralajmëruar në Rusi do të thotë njohje e dështimit të operacionit special ushtarak të nisur në Ukrainë, komentoi për BNR Prof. Todor Tagarev, ish-Ministër i Mbrojtjes. Analizat që parashikojnë procese shpërbërjeje në Rusi përdoren nga udhëheqja ruse si pretekst se ato janë një kërcënim nga Perëndimi. “Pyetja është se çfarë mendon Putini si integritet territorial i Rusisë. Ai përfshin Krimenë këtu, mund të jemi të sigurt, si edhe në rezultatet e parashikuara të referendumeve të rreme të përgatitura për javën e ardhshme”, tha Prof. Tagarev, i cili ishte i bindur se presidenti rus është në rrugë pa dalje.

Eksperti ushtarak Ilija Nallbantov, i cili ka drejtuar zyrat e disa ministrave ushtarakë, komentoi për BNR se në takimin e fundit të Organizatës së Bashkëpunimit të Shangait, Vlladimir Putin ndjeu se Rusia ishte e izoluar dhe se ky izolim do të thellohej për shkak të luftës në Ukrainë.

• Moska dëshiron të legjitimojë agresionin në Ukrainë përmes referendumeve të rreme