“Kremlini e vlerëson situatën si kritike” – kështu komentoi për EuroNews Bulgaria korrespondenti shumëvjeçar i Radios Kombëtare Bullgare në Moskë Valeri Todorov lajmin për mobilizimin e pjesshëm në Rusi. “Është një fakt interesant që numri i viktimave nga pala ruse në konflikt u shpallu zyrtarisht – bëhet fjalë për 6 mijë persona. E dini se vlerësimet perëndimore janë për 40 deri në 50 mijë”, theksoi Todorov. Në këtë raportim të një shifre të nënvlerësuar, ai sheh një përpjekje për të qetësuar opinionin publik në Rusi për viktimat. Por vetë fakti tashmë tregon se në Kremlin, udhëheqja ruse e vlerëson situatën si kritike. Deri tani mobilizimi shmangej fare si terminologji, pasi nënkupton luftë. Deri më tani flitej për një operacion të specializuar ushtarak. Në Rusi ushtria është profesionale dhe vetëm në rrethana të jashtëzakonshme mund të përdoret mobilizimi”, tha Todorov. Sipas analistit, është simptomatike fakti që Duma e Shtetit ka miratuar ndryshime në Kodin Penal, ku krahas “mobilizimit” përfshihet edhe termi “shtetrrethim”, d.m.th. gjendja ushtarake nuk mund të përjashtohet.