Në muajin e ardhshëm, gazi natyror mund të bëhet më i lirë me afro 32 për qind. Gjatë diskutimit publik të çmimeve në Rregullatorin e Energjisë, Drejtoresha Ekzekutive e kompanisë “Bullgargaz” Denica Zllateva theksoi se lidhja bullgaro-greke e gazit pritet të funksionojë nga 1 tetori dhe se vendi ynë do të marrë të gjithë sasinë e karburantit blu azer përmes saj. Nga ana tjetër, mbiçmimi aktual i shkëmbimeve ndërkombëtare do të ndikojë në çmimin në muajin nëntor. Sipas Denica Zllatevës, ka interes të madh për 4 tenderët e shpallur për furnizim me gaz të lëngshëm natyror, si për një periudhë afatshkurtër ashtu edhe për 10-vjeçare, nga kompani nga Amerika, Evropa, Lindja e Mesme dhe Kina. Zlateva shprehu shpresën se përmes këtyre procedurave të hapura do të arrihet një çmim i mirë edhe për muajin nëntor. Aplikimi përfundimtar për çmimet e “Bullgargaz” do të paraqitet më 1 tetor.