Lidhur me debatet në Parlamentin Evropian për anëtarësimin e Rumanisë dhe Bullgarisë në zonën Shengen, eurodeputetët bullgarë nga të gjitha grupet dolën me një deklaratë të përbashkët.

“Medndojmë se bllokada e vazhdueshme e paprecedentë 11-vjeçare në Këshillin e BE-së nuk mund dhe nuk duhet të tolerohet më. Heqja e kontrollit në kufijtë e brendshëm të Bullgarisë dhe Rumanisë është me rëndësi kyçe, si për ekonominë dhe sigurinë e dy vendeve, ashtu edhe për BE-në. Gatishmëria teknike për mbrojtjen e kufijve të jashtëm të vendeve tona u konfirmua nga Komisioni Evropian që në vitin 2011. Ne, përfaqësuesit bullgarë në Parlamentin Evropian, i bëjmë thirrje Këshillit të BE-së që të marrë një vendim bazuar në përmbushjen e kritereve objektive”, thuhet në dokument.