Në Bullgari gruri prodhohet në sasi shumë të mëdha në përputhje me të gjithë parametrat ekologjikë evropianë. Bullgaria është mike e Ukrainës, por mallrat që hyjnë prej andej nuk prodhohen në të njëjtin standard dhe çekuilibrojnë seriozisht tregun e brendshëm, si këtu, ashtu edhe në vendet e tjera pranë kufijve të saj dhe krijohet konkurrencë e pandershme. Këtë e tha ministri bullgar Javor Geçev në takimin e ministrave të bujqësisë të vendeve të Grupit të Vishegradit në qytetin sllovak Pezinok. Ai vuri në dukje se tashmë ka tension të madh mes fermerëve bullgarë. “Për momentin, shteti arrin të ndjekë një politikë korrekte, duke shprehur mbështetjen për Ukrainën, por Komisioni Evropian duhet të ndërhyjë në kohën e duhur për të zgjidhur problemin”, tha Geçev. Sipas tij, Grupi i Vishegradit duhet të dalë me një qëndrim të unifikuar për këtë temë në mënyrë që Komisioni Evropian të pranojë argumentet e tij.