Aleatët e Ukrainës do ta mbështesin atë financiarisht, ushtarakisht dhe diplomatikisht për aq kohë sa është e nevojshme në përgjigje të agresionit të Rusisë, tha grupi G7 në një deklaratë. Në një takim video-konferencë me presidentin ukrainas Volodimir Zelenski, liderët e Britanisë së Madhe, Shteteve të Bashkuara, Francës, Gjermanisë, Japonisë, Kanadasë dhe Italisë konfirmuan se "Ukraina duhet të mbrojë sovranitetin dhe integritetin e saj territorial". G7 paralajmëroi Moskën se çdo sulm ndaj infrastrukturës perëndimore do të përballej me një "përgjigje të unifikuar dhe vendimtare", raporton REUTERS.

Zelenski ka kërkuar që vendet perëndimore t'i sigurojnë Kievit pajisje të mbrojtjes ajrore dhe të dërgojnë vëzhgues në kufirin me Bjellorusinë, sepse Moska po përpiqet të "tërheqë drejtpërdrejt Bjellorusinë" në luftë.