Rreth 200 persona u mblodhën para ndërtesës së Komunës Metropolitane në një protestë duke kërkuar dorëheqjen e kryetares së komunës Jordanka Fandëkova, njoftoi reporterja jonë Nadezhda Nikollova. Pjesëmarrësit shpallen kundër riparimeve jo cilësore në kryeqytet, ndërtimit të tepruar, ajrit të pistë dhe praktikave korruptive përmes të cilave “qyteti po shkatërrohet”. Organizator është organizata civile “Shpëto Sofjen”. “Është koha për të hequr qafe riparimin e riparimeve, projektet e vonuara, jocilësore dhe vjedhjet dhe shpenzimet e egra të burimeve publike, pa qëllim, në mënyrë që thesari i kryeqytetit të jetë bankomat personal i pushtetarëve”, tha Stefan Spasov nga “Shpëto Sofjen”.

Para protestës partia “Vëzrazhdane” zhvilloi aksionin e saj në mbështetje të administratës së Sofjes.