Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pavarësisht luftës dhe krizës, bullgari nuk heq dorë nga udhëtimet jashtë vendit

Foto: Veneta Nikollova

Këtë verë, bullgarët nxituan të kapin mundësitë e humbura për ekskursione dhe pushime jashtë shtetit pas kufizimeve dyvjeçare pandemike dhe sanitare. Në përpjekje për të kapërcyer kufizimet e reja të mundshme anti-covid, ata po nxitojnë të rezervojnë udhëtime në destinacione të afërta dhe të largëta edhe pas përfundimit të sezonit të pushimeve.


Muajt ​​e fundit, shumë bullgarë preferuan plazhet e detit Mesdhe në vend të Detit të Zi dhe destinacionet kryesore jashtë shtetit ishin sërish Greqia dhe Turqia. “Sigurisht që kishte interes të madh edhe ndaj vendeve të tjera detare, si Italia dhe Spanja, por atje, duke pasur parasysh çmimet më të larta të shërbimit, kërkesa ishte më e kufizuar” – tha Dimitrina Goranova – operatore turistike dhe kryetare e Shoqatës së Operatorëve Turistikë Bullgarë dhe Agjentëve të Udhëtimit.

Së bashku me vendet e përmendura më sipër, destinacionet e tjera të preferuara këtë verë ishin Gjermania, si dhe fqinjët tanë ballkanikë - Rumania, Maqedonia e Veriut dhe Serbia. Udhëtimet jashtë shtetit në gusht u rritën me gati 19 për qind krahasuar me të njëjtën periudhë të vitit 2021, sipas të dhënave të Institutit Kombëtar të Statistikave.

As konflikti ushtarak i përshkallëzuar aty pranë, as kriza ekonomike dhe ushqimore apo inflacioni galopant që shkrin kursimet tona në mënyrë të pakontrolluar etj., nuk janë në gjendje të na mohojnë një udhëtim ëndrrash jashtë vendit. Përkundrazi, ekziston një dëshirë e ethshme për të udhëtuar që duket se rritet me përkeqësimin e situatës.

“Nëse duhet të krahasojmë konsumatorin bullgar me atë evropianoperëndimor, ne ende nuk kemi marrë masa serioze për të kufizuar shpenzimet e udhëtimit pavarësisht inflacionit dhe krizës ekonomike – thotë Dimitrina Goranova. Por ne presim që efekti të ndihet në sezonin e ardhshëm të dimrit. Për më tepër, bullgari nuk është aq konservator për sa u përket shpenzimeve të tij, si për shembull, konsumatori gjerman, i cili që në gusht filloi të reduktojë me kujdes konsumin dhe udhëtimet e tij. Përveç kësaj, bashkatdhetarëve tanë nuk u pëlqen të jenë të kufizuar. Pas dy vitesh kufizime, ata kanë nevojë të udhëtojnë dhe të ndjehen të lirë”.

Tajlanda, Kamboxhia dhe Vietnami janë ndër destinacionet ekzotike të preferuara, mësojmë nga Dimitrina Goranova. Por nuk ka rënë as interesi për Evropën, pavarësisht rritjes serioze të çmimeve të biletave të avionit. Sipas platformës kryesore të prenotimit të fluturimeve në botë, ato janë rritur në çmim mesatarisht me 13% këtë verë.

Fatkeqësisht, rritja e çmimeve të biletave ajrore është shumë mbi 13% dhe ky është një proces i pakthyeshëm, i cili do të vazhdojë dhe sigurisht do të ketë efekt në udhëtimet ajrore. Megjithatë, deri më tani, nuk ka rritje të kërkesës për destinacionet më të shkurtra apo ulje të udhëtimeve ajrore. Por pres që destinacionet, ku çmimi i biletës së avionit është faktori përcaktues në çmimin e paketës, do të bëhen më të vështira për t'u aksesuar. Dhe ka të ngjarë që njerëzit me më pak mjete financiare të ulin kërkesën për udhëtime të tilla”.


A po vjen fundi i udhëtimeve me kosto të ulët? Sipas Goranovës, ai tashmë ka ardhur. Kjo është pjesë e një tendence të pakthyeshme në industrinë e linjave ajrore. “Udhëtimet me buxhet të ulët do të mbeten vetëm në kujtimet tona!” – mendon ajo dhe shton se megjithatë, bullgarët nuk do të heqin dorë nga udhëtimet, sepse udhëtimet janë pjesë e globalizimit.

Përgatiti në shqip: Vesella Mançeva

Foto: Veneta Nikollova



Последвайте ни и в Google News Showcase, за да научите най-важното от деня!

Më shumë nga rubrika

Turistët meksikanë vijnë tek ne për turne kulturore

Fluturime çarter nga Meksika deri në Sofje do të kryhen çdo dy javë deri në fund të nëntorit 2024, raporton bgtourism.bg. Pak ditë më parë në Aeroportin e Sofjes u ul një avion i një kompanie ajrore bullgare me 320 turistë meksikanë. Ky është..

botuar më 24-05-26 6.10.PD
Bethany Hughes

Thesaret e Bullgarisë “shkëlqyen” në transmetimin e Bethany Hughes më 24 Maj (VIDEO)

Arkeologia dhe udhëtare e njohur Prof. Bethany Hughes nis një udhëtim emocionues nëpër Bullgari në episodin e ri "Thesaret me Bethany Hughes", i cili u transmetua në ditën festive të 24 Majit në kanalin Viasat History. Episodi u prit me..

botuar më 24-05-25 9.35.PD
Kisha „Shën Dhimitër i Selanikut“ (Mirovliti) u ndërtua midis viteve 1876 dhe 1892

Për fshatin Garvan, mullirin e vjetër dhe kush janë grebencite

Gjëja e parë që bën përshtypje në fshatin Garvan janë shtëpitë e bukura dhe shumë të mirëmbajtura në stilin vendas tipik për rajonin e Dobruxhës të Bullgarisë Verilindore. Fshati ndodhet në zemër të "Hambarit të Bullgarisë" jo shumë larg qytetit..

botuar më 24-05-22 7.05.PD