Presidenti ukrainas Vollodimir Zelenski hodhi poshtë pretendimet e ministrit rus të mbrojtjes Sergei Shoigu se Kievi ka përgatitur një provokim me një bombë që përmban materiale radioaktive, një e ashtuquajtur “bombë e pistë”. Vetëm Moska është e aftë të përdorë një armë bërthamore dhe nëse akuzon Kievin paraprakisht, atëherë po përgatitet ta bëjë këtë, tha Zelenski, cituar nga UNIAN.

Brenda  3 ditësh, ministrat e mbrojtjes të Rusisë dhe SHBA-së zhvilluan një bisedë të dytë telefonike, njoftoi Interfaks. Më herët, Sergei Shoigu bisedoi me ministrat e mbrojtjes të Turqisë, Francës dhe Britanisë së Madhe. Përpara tyre ministri rus akuzoi edhe Ukrainën se po përgatit një provokim me bombë radioaktive.

“Ministri Lloyd Austin hodhi poshtë çdo pretekst për përshkallëzimin rus dhe ripohoi vlerën e komunikimit të vazhdueshëm në kushtet e luftës së paligjshme dhe të pajustifikuar të Rusisë kundër Ukrainës”, tha Sekretari i Shtypit i Pentagonit, Pat Ryder.