Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Polemika rreth projekteve për ofrimin e armëve për Ukrainën

Foto: Ani Petrova

Projekt-rezolutat e “Bullgarisë Demokratike” dhe GERB për ofrimin e ndihmës ushtarake për Ukrainën, të paraqitura në parlament, ndezën debate të nxehta politike. Ato u diskutuan në një këshill të kryetarëve në Kuvendin Popullor. Sipas debatuesve, tema duhet të shqyrtohet në dy komisione parlamentare – ushtarake dhe të jashtme, pasi do të krijohen të tilla.

Presidenti Rumen Radev paralajmëroi se tërheqja e armatimit nga ushtria bullgare, pa u rimbushur me të reja, do të zvogëlojë aftësitë e saj në sfondin e luftës dhe tensionit në Ballkan. Sipas tij, ky lloj vendimi do të na afrojë të futemi në konflikt. “A besoni se njerëzit që propozojnë zgjidhje të tilla do të marrin ndonjëherë armët dhe se këta njerëz do të rrezikojnë ndonjëherë jetën e tyre për Bullgarinë? Nuk e besoj!”, tha Radev.

Sipas GERB dhe Bullgarisë Demokratike, duke dërguar armë në Kiev, Bullgaria mund të marrë një armë më moderne nga NATO.

DPS dhe “Po e vazhdojmë ndryshimin” janë gjithashtu dakord me idenë e ofrimit të ndihmës ushtarake për Ukrainën.

Stefan Janev nga "Ngritja bullgare" deklaroi se forca e tij politike është në favor të eksportit të armëve në Ukrainë si biznes dhe do ta mbështeste një vendim të tillë nëse lidhet me modernizimin e aftësive mbrojtëse të Bullgarisë.

Drejtuesja e BSP Kornelija Ninova ishte kategorike se e majta nuk do të mbështesë ndihmën ushtarake për Ukrainën. “Mendojmë se dhënia e armëve Ukrainës do ta përfshinte Bullgarinë në konfliktin ushtarak dhe do të votojmë kundër të gjitha propozimeve”, tha Ninova dhe theksoi se e majta është në favor të zgjidhjes së konfliktit me mjete diplomatike.




Последвайте ни и в Google News Showcase, за да научите най-важното от деня!

Më shumë nga rubrika

Delegacioni i

Një delegacion i “BSP – e majta e bashkuar” ishte për vizitë pune në Moskë

Përfaqësues të koalicionit politik “BSP – e majta e bashkuar”, pjesë e qeverisjes së vendit – deputeti Galin Durev, Rumen Petkov dhe Ilijan Sarandaliev – vizituan Moskën. Ata patën takime me kryetarin e Komitetit për Energjinë të Rusisë, Nikollaj..

botuar më 25-11-14 10.44.PD

Firma bullgare të ndërmjetësimit kanë marrë pjesë në një skemë për pastrimin e parave ruse

Ndërmjetës bullgarë u identifikuan si disa nga hallkat lidhëse në një hetim mbi një skemë ndërkombëtare për pastrimin e parave ruse. BGNES citon të dhëna nga Intelligence Online , sipas të cilave dy kompani bullgare të ndërmjetësimit ishin të..

botuar më 25-11-14 8.59.PD

Jahti elektrik bullgar është ndër finalistët e një konkursi ndërkombëtar

Një zhvillim bullgar për një mjet lundrues elektrik fitoi njohje ndërkombëtare, duke u kualifikuar për raundin final të çmimeve prestigjioze The Gussies Electric Boat Awards 2025. Këto çmime synojnë anijet dhe jahtet elektrike më inovative dhe më të..

botuar më 25-11-14 5.05.PD