Ambasadorja e Bullgarisë në Japoni Shkëlqesia e Saj Marieta Arabaxhieva mbolli trëndafilat bullgarë "Nadja" në qytetin Nakanoxho, prefektura Gunma, në prani të kryetarit të qytetit Masao Iyoku dhe të ftuarve të tjerë. Ceremonia shënoi fillimin e marrëdhënieve ndërmjet Ambasadës së Bullgarisë në Tokio dhe qytetit Nakanoxho me shpresën se në të ardhmen në qytet do të organizohet një festival i përvitshëm bullgar i trëndafilit.
Në emër të ambasadës, ambasadorja Arabaxhieva i dhuroi bibliotekës së kopshtit të fëmijëve të qytetit librin bullgar për fëmijë "Uji i gjallë", botuar në Japoni në vitin 2022, përkthyer nga Yoko Yaoita, përkthyese e letërsisë bullgare për fëmijë. Në programin e ngjarjes u përfshinë shfaqje të valleve popullore bullgare në interpretim të një trupe japoneze vallëzimi dhe prezantimi i ushqimeve dhe suvenireve tradicionale bullgare.
Banorët e qytetit Sano të Prefekturës Toçigi patën mundësinë të marrin pjesë në një festival bullgar. Ai u organizua nga dega e Shoqatës Japoneze-Bullgare në qytet. Në prani të mbi 120 të ftuarve zyrtarë - kryetarë komunash, drejtorë të shkollave lokale dhe përfaqësues të kompanive japoneze, u prezantuan verërat bullgare, mjalti dhe produktet e trëndafilit. Elena Kucarova, përkthyese në Ambasadën Bullgare, zhvilloi një seminar për punimin e veroreve (martenica).
Gjatë programit muzikor të realizuar nga grupi i vallëzimit "Detelina", të ftuarit patën mundësinë të provonin sallatën e njohur bullgare Shopska, na njoftoi përfaqësia diplomatike bullgare në Japoni.
Përpilues: Joan Kolev
Përgatiti në shqip: Vesella Mançeva
Foto: Ambasadа e Bullgarisë në Tokio
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të Komunës së Pustecit. Fondacioni siguroi një kontejner mjekësor të pajisur plotësisht për fshatin..
Fshati Radevo ndodhet në Bullgarinë Verilindore, jo shumë larg nga kryeqyteti ynë detar dhe po ashtu qytet i madh turistik - Varna, distanca është rreth 30-40 minuta me makinë. Në Radevo ka jo më shumë se 60 banorë, shumica e të cilëve janë mbi 60-70..
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e..
Këneta е Bojanës është e vetmja ligatinore natyrore në territorin e Sofjes, e cila është ende shtëpia e një numri speciesh të mbrojtura të bimësisë..