Nga data 7 nëntor deri më 5 dhjetor në Akademinë Kombëtare të Muzikës ˮProf. Panço Vlladigerov” në Sofje po mbahet “Panorama e muzikës klasike braziliane”. Ky është edicioni i tretë i festivalit, i cili kësaj here i kushtohet historisë së Brazilit, me rastin e 200-vjetorit të pavarësisë së vendit. Janë parashikuar pesë koncerte - çdo të hënë, brenda pesë javësh. Marrin pjesë interpretues të rinj, studentë në Akademinë Kombëtare të Muzikës, të cilët do të prezantojnë vepra të gjithsej 35 kompozitorëve brazilianë që kanë punuar në periudha të ndryshme.

Para çdo koncerti Harry Crowl – kompozitor dhe profesor i historisë së muzikës braziliane, mban një leksion (me përkthim në bullgarisht).

Përpiloi: Allbena Bezovska

Përgatiti në shqip: Vesella Mançeva