Socialistët bullgarë në Parlamentin Evropian iniciuan një letër drejtuar vendeve anëtare të BE-së, në të cilën pyesin se për çfarë arsye mund të vendoset vetoja për anëtarësimin e vendit tonë në Shengen. Letra u nënshkrua nga 73 eurodeputetë nga të gjitha grupet parlamentare, duke përfshirë të 17 përfaqësuesit bullgarë.

Pyetjet në letër janë:

A ka ndonjë precedent në zgjerimet e mëparshme të Shengenit ku vendet anëtare kanë kërkuar vlerësim suplementar përpara se të votojnë vendimin?

A ka një bazë ligjore për të lidhur heqjen e kufijve të brendshëm dhe nivelin e treguesve në fusha të tjera?

A cenon parimet e bashkëpunimit të sinqertë që një vend të detyrohet të mbajë përgjegjësi të plotë për zbatimin e politikës së përbashkët në një fushë të caktuar, duke u privuar nga përfitimet përkatëse për një periudhë të pacaktuar?

Letra u bë e ditur dy ditë para mbledhjes së Këshillit “Drejtësia dhe Punët e Brendshme” në Bruksel, në të cilin duhet të merret vendimi për pranimin e Bullgarisë, Rumanisë dhe Kroacisë në Shengen, njoftoi korrespondentja e BNR në Bruksel, Angelina Piskova.

• Rumen Radev: Bullgaria i ka të gjitha shanset që vitin e ardhshëm të bëhet pjesë e Shengenit