Parlamenti bullgar duhet të jetë iniciatori i një takimi ndërkombëtar të nivelit të lartë BE-Turqi për çështjet e migracionit, kontrollit të kufijve dhe lehtësimit të regjimit të vizave për qytetarët turq. Për këtë ranë dakord kryetarët e parlamentit bullgar, Vezhdi Rashidov dhe homologu i tij turk, Mustafa Shentop, në një takim “sy më sy” në Ankara të Turqisë. Qëllimi i takimit është rifillimi i procesit të nisur në vitin 2018 në Varna, kur vendi ynë ishte ndërmjetës mes BE-së dhe Turqisë. Këtë e bëri të ditur kryetari i Kuvendit Popullor Vezhdi Rashidov në një deklaratë për media në Parlamentin e Turqisë. Ai është duke bërë një vizitë zyrtare në Turqi me një delegacion parlamentar.