Proceset e migracionit dhe fluksi i refugjatëve ishin në qendër të një takimi të dielën (18 dhjetor) të ministrit të brendshëm Ivan Demerxhiev me homologun e tij turk Sjulejman Sojllu. Këtë e bëri të ditur Demerxhiev para gazetarëve.

“Me palën turke ramë dakord që ajo të marrë pjesë edhe më aktive në aksione që nuk do të lejojnë grupe të mëdha emigrantësh të grumbullohen në kufi për të sulmuar kufirin tonë”, tha ministri. Ai theksoi se pala turke vendosi xhandarmërinë dhe ushtrinë në lokacione të ndryshme strategjike përgjatë kufirit. Tashmë ka një efekt nga këto veprime dhe presioni ndaj policëve tanë kufitar po zvogëlohet dukshëm, tha Demerxhiev.