Nëse është e nevojshme, shteti mund të marrë kontrollin e rafinerive të naftës në Bullgari. Kjo u pranua nga deputetët me lexim të parë. Sipas ndryshimeve, kontrolli do të bëhet nga ministri i еkonomisë, i cili do të ketë të drejtën të emërojë një drejtues të posaçëm tregtar në kompaninë përkatëse të përpunimit të naftës. Propozimi i “Bullgarisë Demokratike” parashikon që drejtori i posaçëm tregtar të caktohet për një periudhë prej më shumë se gjashtë muajsh, pa të drejtën e drejtimit të pasurisë së kompanisë. Drejtori i posaçëm tregëtar do të vendoset nëse rafineria shkel rregullat e BE-së, të OKB-së ose ka gjasa të ndalojë prodhimin. "Na krijohet përshtypja se aktualisht ka një krizë që vështirë se mund të kontrollohet dhe kjo po bëhet për të ndëshkuar Rusinë duke marrë pronën e saj," komentoi Dragomir Stojnev nga BSP. Importuesit theksuan se nuk bëhej fjalë për ndryshim pronësie.