Ministri i Kulturës Prof. Velisllav Minekov dhe ambasadori i Mongolisë në Bullgari nënshkruan Programin për bashkëpunim në fushën e kulturës, arsimit dhe shkencës ndërmjet qeverive të dy vendeve, njoftoi qendra e shtypit e ministrisë.

Sipas programit, dy vendet do të bashkëpunojnë për organizimin e ekspozitave dhe festivaleve, shkëmbimin e shfaqjeve teatrale dhe ansambleve. Gjithashtu janë planifikuar partneritete në fushën e letërsisë dhe përkthimit, bashkëpunime mes bibliotekave, muzeve dhe institucioneve të tjera kulturore, si dhe shkëmbim filmash. Programi parashikon gjithashtu zgjerimin e kontakteve ndërmjet institucioneve shkencore të Bullgarisë dhe Mongolisë, shkëmbimin e mësuesve dhe asistentëve shkencorë.