Një ekspozitë tematike e pazakontë mund të shihet në Muzeun e Artit nga Periudha Socialiste në Sofje. Ekspozita "Fëmija në artin e socializmit" përfshin rreth 90 piktura, grafika dhe skulptura të artistëve bullgarë nga koleksioni i Galerisë Kombëtare. Prezantohen vepra të autorëve të njohur si Aleksandër Zhendov, Ilija Beshkov, Deçko Uzunov, Stojan Venev, Ilija Petrov, Joan Leviev e të tjerë.
Nga veprat duket qartë se tema e fëmijëve në art nuk është lënë pas dore nga propaganda e sistemit totalitar gjatë socializmit në vendin tonë. Fëmijës i janë atribuar role si: “fëmija-hero” dhe “fëmija-viktimë” e luftërave dhe padrejtësive sociale; fëmija si një objekt edhe si subjekt i realitetit të ri shoqëror.
"Sado e çuditshmetë duket, edhe fëmija mund të përfshihet në skemat ideologjike të paradigmave të asaj kohe. Kjo temë është e ndjeshme ndaj ndërhyrjeve ideologjike. Në ekspozitë jemi përpjekur të nxjerrim një imazh universal i fëmijës. Fëmijës i janë caktuar role t ndryshme, ai është vazhdim i punës së baballarëve dhe gjyshërve, një ndërtues (i ardhshëm) i vlerave”, komentoi për BNR-Radio Sofje kritiku i artit Nikollaj Ushtavalijski, zëvendësdrejtor i Galerisë Kombëtare.
Ekspozita mund të vizitohet deri në fund të marsit 2023.
Përpiloi: Veneta Nikollova
Përgatiti në shqip: Vesella Mançeva
Një riprodhim i dorëshkrimit të peshkopit Petër Bogdan "Për lashtësinë e atdheut dhe për çështjet bullgare" - traktati i parë historik për Bullgarinë, që i paraprin gati një shekull të famshmes "Historia sllave bullgare" nga At Paisij , u prezantua..
Interesi për studimin akademik të gjuhës bullgare në Sllovaki daton gati një shekull më parë. Në vitin 1919 u themelua Universiteti Comenius në Bratislavë. Dy vite më vonë u krijua Fakulteti Filozofik ku studiohen të gjitha degët humanitare. Aty, gjatë..
Violinisti bullgar me famë botërore Vasko Vasilev dhe solistët nga Orkestra e Operës Mbretërore “Kovent Garden” do të mbajnë një koncert klasik akustik më 26 maj në sallën “Gustav Eiffel” të Kullës Eifel. Muzikantë nga 5 kombësi do të jenë së bashku në..