“Festa e sotme e shenjtë le të sjellë shëndet, shpresë dhe ngrohtësi për çdo familje bullgare. Besimi në mirësi le të na jep forcë të vazhdojmë të luftojmë së bashku për çështjet e drejta të popullit tonë, për një të ardhme paqësore dhe të lumtur për fëmijët e Bullgarisë!” Një mesazh të tillë për Krishtlindje u dërgoi bullgarëve në faqen e tij në Facebook, presidenti Rumen Radev.

Mëngjesin e sotëm në kishën patriarkale “Shën Aleksandër Nevski” në Sofje u mbajt shërbesa solemne e Krishtlindjes. Ajo drejtohej nga Patriarku bullgar Neofit.

Edhe bullgarët në mbarë botën e shënojnë festën sipas traditave tona. Mes tyre janë edhe fëmijët nga gjashtë shtete të Amerikës që morën pjesë në projektin e Shoqatës së Shkollave Bullgare në Amerikë “Të ndezim shpirtin e Krishtlindjeve së bashku”.

Në prag të Krishtlindjeve, nxënësit e shkollës së të dielës “Paisij Hilendarski” në Athinë paraqitën një shfaqje festive.