1 tetori është data që “mund të përvijohet” për anëtarësimin e Bullgarisë në Shengen, deklaroi ministri në detyrë i punëve të jashtme, Nikollaj Millkov, në një seancë të hapur në Kuvendin Popullor. Që nga fillimi i vitit, Suedia mori presidencën me rotacion të BE-së, por zgjerimi i zonës së udhëtimit pa viza nuk përfshihet në prioritetet e vendosura nga Stokholmi, me gjithë këtë Suedia do të vazhdojë të punojë në këtë drejtim. Këtë e siguroi ambasadorja e Suedisë në Bullgari, ministrin tonë të jashtëm, raporton gazetarja e BNR, Marta Mlladenova. Pritet sqarimi i saktë se çfarë pret të shohë Holanda në raportin e ardhshëm për Bullgarinë dhe përgatitja e Ministrisë së Punëve të Jashtme për t’iu përgjigjur të gjitha pyetjeve gjatë inspektimit. Shqetësimet e Austrisë kanë të bëjnë me kontrollin kufitar, për të cilin përgjigjet Ministria e Punëve të Brendshme, jo Ministria e Punëve të Jashtme, theksoi Millkov.

• Votimi për hyrjen e Bullgarisë dhe Rumanisë në Shengen - pasi hoqën kundërshtimet e Austrisë dhe Holandës