Informacioni i paraqitur nga “Die Welt” se Bullgaria në kohën e qeverisë së Kirill Petkovit ka dërguar armë në Ukrainë ka shkaktuar reagime të ndryshme në mesin e partive politike. Partitë GERB dhe "Bullgaria Demokratike", të cilat këmbëngulin që vendi ynë të ndihmojë Kievin, qortuan kabinetin e mëparshëm për fshehjen e informacionit. Sipas Hristo Ivanovit nga partia “Bullgaria Demokratike”, dërgesa e armëve duhet të ishte bërë në mënyrë të hapur dhe pa ndërmjetës. "Nuk ka pasur eksport të drejtpërdrejtë të armëve nga Bullgaria në Ukrainë. Bullgaria eksportoi armë në një numër vendesh, duke përfshirë SHBA, Britaninë e Madhe, Poloninë, Rumaninë, pas së cilës këto armë arritën në Ukrainë," tha njëri nga kryetarët e Partisë "Po e vazhdojmë ndryshimin" Asen Vasilev. Bashkëkryetari tjetër Kirill Petkov shprehu kënaqësinë e tij: "Jemi të kënaqur që titulli e thotë qartë, se Bullgaria ka pasur një rol themelor dhe është në anën e duhur të historisë". "Bullgaria nuk ka eksportuar drejtpërdrejt armë në Ukrainë dhe kushdo që pretendon të kundërtën gënjen," tha kryetarja e Partisë Socialiste të Bullgarisë Kornelia Ninova. Stefan Janev – kryetar i Partisë “Ngritja bullgare” dhe ish-ministër i Mbrojtjes deklaroi se artikulli i gazetës “Di Welt” nuk përbën lajm dhe sqaroi: “Kur bëhet fjalë për biznes, është normale që industria bullgare e armëve të kërkojë tregje, përfshirë edhe rastet kur ka luftë dhe ato tregje, le të themi, janë më fitimprurëse“.
Programi i ndihmës humanitare për personat e zhvendosur nga Ukraina u zgjat me një muaj, njoftoi shërbimi për shtyp i qeverisë. Gjatë kësaj kohe, ndihma humanitare do të vazhdojë të ofrohet për qytetarët ukrainas në nevojë në kushte të diferencuara..
“Demokracia, të drejtat dhe liritë” – DPS do ta mbështesë qeverinë deri në marrjen e raportit të konvergjencës për eurozonën, i cili pritet në qershor të këtij viti, u bë e qartë nga deklarata e miratuar në mbledhjen gjashtë-orëshe të organeve..
Nuk do të ketë ndryshime të theksuara të motit gjatë 24 orëve të ardhshme - do të mbajë vranësira dhe në shumë vende reshjet e shiut do të vazhdojnë, me ndërprerje të përkohshme. Të mërkurën në fund të ditës reshjet do të dobësohen dhe do..
Dita Ndërkombëtare e Humorit dhe Shakasë festohet veçanërisht në qytetin Gabrovo(Bullgaria Qendrore), ku do të festohet me një program të pasur..
Bullgaria dhe Jordania do të bashkëkryesojnë një takim të nivelit të lartë në Sofje në kuadër të "Procesit Akaba". Me ftesë të presidentit Rumen Radev..
Sot, 31 mars, është dita e fundit në të cilën funksionojnë kapacitetet e termocentralit të dytë më të madh me qymyr në Bullgari, “ContourGlobal Marica..