Në kuadër të mandatit të kabinetit zyrtar u sigurua një burim prej afro 10 miliardë eurosh, sipas gjithsej 10 programeve evropiane të miratuara. Gjatë një mbledhjeje të hapur të Këshillit të Ministrave për të raportuar aktivitetet e qeverisë së përkohshme gjatë 6 muajve të fundit, kryeministri në detyrë Gëllëb Donev theksoi se Kuvendi Popullor e detyroi Këshillin e Ministrave të dorëzojë të gjithë paketën e projektligjeve në lidhje me pagesën e dytë sipas Planit Kombëtar të Rimëkëmbjes dhe Qëndrueshmërisë. Donev shtoi se kjo është një nga detyrat e para me prioritetet të qeverisë së përkohshme, lidhur me pagesat sipas Planit Kombëtar të Rimëkëmbjes, sepse ato hapin dyert për reformat në sistemin gjyqësor. Sipas kryeministrit, të gjitha masat dhe synimet e përcaktuara në Plan janë të realizuara me sukses, falë koordinimit të mirë mes ministrive, që siguroi pagesën e parë nga KE në vlerë prej afro 1.23 miliardë euro.