Kuvendi Popullor ratifikoi me shumicë, me dy leximе, Marrëveshjen për blerje dhe shërbim të ndërsjellë midis Ministrisë sonë të Mbrojtjes dhe Departamentit të Mbrojtjes së Shteteve të Bashkuara. Partia “Vëzrazhdane” dhe Partia Socialiste Bullgare (BSP) shprehën rezerva në lidhje me dokumentin, i cili rregullon mbështetjen logjistike për kryerjen e stërvitjeve dhe aktiviteteve të përbashkëta në fushën e mbrojtjes ndërmjet qeverive të Bullgarisë dhe të SHBA-së dhe është në fuqi më shumë se 20 vjet. Sipas Nikollaj Drençevit nga “Vëzrazhdane”, nga marrëveshja në masë më të madhe përfitojnë Shtetet e Bashkuara. BSP kundërshtoi, duke u argumentuar se Bullgaria po ratifikon një marrëveshje me një vend që nuk po i përmbush detyrimet e tij sipas ligjit, duke pasur parasysh dërgimin e vonuar të avionëve ushtarakë.