Stanisllav Sllanev-Stenli fitoi popullaritet në vitet 1980, veçanërisht si frontmeni i grupit Tangra. Me kalimin e kohës, Stenli forcoi statusin e tij të yllit si një artist solo me një stil origjinal muzikor. Çdo këngë e tij e re bëhet një ngjarje. Së fundmi ai na kënaq me ngjarje të tilla çdo disa muaj - disa prej tyre janë këngë të reja, disa të tjera janë këngë-single nga albumi i tij "Trupat e huaj", i cili u shfaq pas një pauzë 17-vjeçare. Kjo për shkak se tre vjet pas daljes së albumit në tregun muzikor, singlet e tij nuk janë shitur, dhe ndërkohë Stenli tashmë po shikon për tjetrin.
“Kam luajtur disa këngë që janë krejt të ndryshme nga ato të albumit “Trupat e huaj”. Në albumin tim të radhës ka shumë tinguj elektronikë, sigurisht me kitarën e Stanisllav Vëllçevit. Ka gjëra që pas një kohe të caktuar bëhen të mërzitshme për autorin, apo për muzikantin që i realizon. Kështu ndodhi me mua, mezi prisja të incizoja gjërat e reja”.
Këtë e dëshmon edhe kënga "Kujtimi i hedhur" me muzikë të Bllagosllav Anastasovit, i njohur nga grupi indie pop-rock Hayes & Y bazuar në Mançester. Ai është autori i muzikës së të gjitha këngëve të albumit “Trupat e huaj”. Për tekstin, Stenli përsëri iu drejtua Daniell Rashevit, dhe për aranzhimin ai punoi së bashku me Bllago dhe Svetlin Këslev.
“Kjo këngë është një nga të preferuarat e mia në album dhe jam gjithmonë i emocionuar ta luaj, duke pritur që të vijë në set-listën e koncerteve. Kohët e fundit luaj këngë çdo disa muaj, ndërsa më parë kisha pushime disa vjeçare. Në një moment diçka më godet dhe filloj të krijoj, tani jam në formë”.
Përveç energjisë tipike të muzikës së tij, nuk janë lënë anash edhe kitarat melodike dhe sintezatorët retro, karakteristikë të viteve 1980 dhe sërish kaq moderne sot.
Stenli përhapi këngën e tij " Ekspresi i Dashurisë" një muaj para koncertit jubilar në Sallën 1 të Pallatit Kombëtar të Kulturës (NDK) më 13 tetor 2022, me të cilin festoi 40 vjet në skenë. Muzika e këngës është kompozuar nga Stenli, teksti është ngabashkëshortja e tij Ljudmilla Sllaneva, ndërsa aranzhimi është nga Svetlin Këslev.
Shikoni gjithashtu:
Përgatiti në shqip: Vesella Mançeva
Orkestra e Muzikës Popullore e Radios Kombëtare Bullgare (BNR) me dirigjent Dimitër Hristov mbyll sezonin sonte /20 qershor/ me një koncert në të cilin do të tingëllojnë vetëm titujt premierë. Programi përfshin 17 pjesë të reja dhe aranzhime..
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh..
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të..