Deri më 26 mars, banorët dhe mysafirët e kryeqytetit kanë mundësinë të shohin ekspozitën "Bota e përrallave të Ljuben Zidarovit". Mikpritësi i saj është Galeria kombëtare “Kuadrat 500”, dhe ekspozita përfshin dhjetë ilustrime të artistit të njohur, i cili u nda nga jeta në moshën 99-vjeçare në fillim të vitit 2023.
Sipas Dr. Tanja Staneva, kuratore në Galerinë Kombëtare të Arteve, kureshtja e Ljuben Zidarovit për realitetin përreth, dëshira e palodhshme për punë dhe imagjinata e pasur janë të ngulitura në ilustrimet, të cilat janë një vazhdimësi e natyrshme e tekstit në libra. Tanja Staneva gjithashtu thekson se pothuajse për çdo ribotim të një libri me ilustrimet e tij, artisti i zhvillon më tej dhe i bën vizatimet e tij më të gjalla.
Që kur ishte student, Zidarov vizatonte ilustrime për botime të ndryshme për fëmijë. Në periudhën 1967-1970 ishte piktori kryesor i shtëpisë botuese "Narodna Mladezh". Ndër ilustrimet e tij më të njohura janë ato për "Përrallat e Sheherazades", "Ishulli i thesarit", "Përralla" të Hans Christian Andersen" dhe "Tom Sawyer" nga Mark Twain.
Për kontributin e tij në artin pamor bullgar, Ljuben Zidarov është vlerësuar me një sërë çmimesh, duke përfshirë atë të Unionit të Artistëve Bullgarë për ilustrim /1976/, Urdhri i "Shenjtorëve Kirili dhe Metodi” – Shkalla e parë, nga viti 1963, çmimi “Shekulli i Artë” i Ministrisë së Kulturës në vitin 2016 e të tjera.
Përpiloi: Joan Kolev
Përgatiti në shqip: Vesella Mançeva
Bashkëprodhimi bullgaro-anglez “Lojërat e Djallit” mori çmimin për “kinematografinë më të mirë” në Festivalin prestigjioz të Filmit Chelsea në New York. Kjo u njoftua në Facebook nga Konsullata e Përgjithshme e Bullgarisë në New York. Filmi..
“Vij në Bullgari për t’u mbushur me ndjenja të reja” – këtë na ndau Desisllava Cvetkova, e cila kaloi 14 vjet në kryeqytetet e Evropës së Bashkuar, duke punuar në administratën e Komisionit Evropian. Kohët e fundit Desisllava është përsëri në atdheun..
Aleksandra-Joana Aleksandrova – aktore, këngëtare dhe modele me pamje mbresëlënëse, talent muzikor dhe prani të fortë skenike, ishte në Sofje në fund të korrikut dhe fillim të gushtit për të interpretuar rolin e Kozetës në muzikalin e njohur “Të mjerët”..
Bashkëprodhimi bullgaro-anglez “Lojërat e Djallit” mori çmimin për “kinematografinë më të mirë” në Festivalin prestigjioz të Filmit Chelsea në New..
“Vij në Bullgari për t’u mbushur me ndjenja të reja” – këtë na ndau Desisllava Cvetkova, e cila kaloi 14 vjet në kryeqytetet e Evropës së Bashkuar, duke..