Një nga prodhuesit më të mëdhenj austriak të pajisjeve të skive në botë, i vendosur në Çepellare(Bullgari Jugore), do të ndërtojë një fabrikë të re në Bullgari. Prodhimi i ri pritet të nisë këtë vit në Asenovgrad, i cili ndodhet jo shumë larg qytetit malor. Sipas menaxherit Ivajllo Petrov, rreth 30% e konsumit botëror të skive prodhohet në Bullgari. Është një fakt kurioz që sipas të dhënave të Eurostat për vitin 2021, vendi ynë renditet i treti ndër eksportuesit më të mëdhenj të pajisjeve të skive dhe snowboardit në BE. Para nesh janë vetëm Austria dhe Franca.

Nga ana tjetër, një problem serioz me të cilin përballet zhvillimi i kompanive në vendin tonë është mungesa e fuqisë punëtore të kualifikuar. Kompania tashmë po i kërkon punonjësit që i nevojiten për qendrën e re të prodhimit.

Përpiloi: Joan Kolev

Përgatiti në shqip: Vesella Mançeva