Sonte, më 31 janar, dy artistë premtues do të prezantohen sërish bashkë në një klub të kryeqytetit që ofron skenën e tij për muzikantët e rinj. Këta janë Annie V dhe Nikolla Simeonov.
Anna dhe Nikolla këndojnë së bashku që nga viti 2016. Ata u takuan në një festival akustik në Sofje, organizuar nga miku i tyre i përbashkët. Interpretojnë soul, blues, rock, pop, reggae, funk, ska dhe shumë stile të tjera dhe vitet e fundit janë fokusuar në muzikën prej autori.
Të dy punojnë gjithashtu në mënyrë të pavarur me shumë sukses. Në vitin 2018, Nikolla krijoi grupin e tij Cool Den, me të cilin tashmë realizuan dy albume.
Në vitin 2021, Annie V (Anna-Maria Vërtovska) realizoi albumin e saj debutues solo, mbështetur nga Fondi Kulturor i “Muzikautor” në kuadrin e programit “Autor i Ri”. Anna-Maria shkruan tekstet, muzikën dhe është autore e aranzhimeve të të gjitha këngëve të albumit të quajtur “Station Unknown”. Në këngën me të njëjtin emër merr pjesë edhe Nikolla duke luajtur kitarë.
Një nga 12 këngët e albumit solo të Annie V është “Try”, në të cilën përveç zërit të ngrohtë të këngëtares, dëgjojmë edhe pianon e Martin Stojanov - Martist. Kënga ka një video me stil – shikoni:
Përgatiti në shqip: Svetllana Dimitrova
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..
Kur dy emra yjesh bashkohen në një duet, suksesi është i sigurt. Kështu ndodhi me këngën nga Miro dhe ALMA “Më shumë”, dhe me siguri i njëjti fat do të ndiqet edhe nga bashkëpunimi i tyre i dytë – “Atje”. Kënga është krijuar gjatë kampit krijues Sofia..
Një trio vokale, pjesë e rritjes së muzikës pop bullgare në agim të mijëvjeçarit të ri - "Antibiotika" - është rikthyer me një këngë të re. Edhe pse të shpërndara në pjesë të ndryshme të botës, Ani, Sillvija dhe Savina na prezantojnë "Duket si..