Përfaqësimi Kombëtar i Këshillave Studentorë në shkollat ​​e larta të Bullgarisë organizon një fushatë për të ndihmuar të dëmtuarit e tërmeteve në Turqi dhe Siri, njoftoi BTA. Nisma e këshillave studentorë është mbledhja e rrobave dhe këpucëve të ngrohta për fëmijë, gra dhe burra, të gjitha llojet e materialeve të domosdoshme, çanta gjumi, batanije dhe çarçafë, materiale higjienike.

Pikat në Shtëpinë Kombëtare të studentëve dhe në Universitetin e Ekonomisë Kombëtare dhe Botërore do të pranojnë donacione sot deri në mesditë, pas së cilës do të transportohen direkt në zonat e prekura dhe do t’u shpërndahen atyre në nevojë. Studentët u bëjnë thirrje atyre që dëshirojnë të mbështesin financiarisht të dëmtuarit dhe të dhurojnë mjete përmes Kryqit të Kuq të Bullgarisë dhe me SMS në numrin 1466 për të gjithë operatorët celularë.

Deri më tani në llogarinë bankare të hapur nga Kryqi i Kuq i Bullgarisë në ndihmë të të lënduarve nga tërmeti në Turqi dhe Siri u depozituan afro 400 000 euro dhe mjetet nga SMS-të e dërguara kaluar 125 000 euro.

• Bullgaria është ndër të parat që iu përgjigj thirrjes për ndihmë njerëzve në fatkeqësi në Turqi