Hristijan Pendikov, së bashku me bullgarët e tjerë maqedonas që ai njeh, po vazhdojnë të marrin kërcënime, tha i riu për bTV. Prej disa ditësh atij i është caktuar mbrojtje policore gjatë gjithë kohës. “Sepse kam kërcënime se do të vijnë edhe në Bullgari, se do më vrasin. Më dërgojnë foto me armë e gjëra të tilla”, shpjegoi sekretari i klubit kulturor “Mbreti Boris III” në Ohër. Pasi u rrah në vendlindje nga simpatizantët e partisë VMRO-DPMNE, ai u dërgua për mjekim në Bullgari. I riu ka raportuar se kërcënime janë drejtuar edhe ndaj nënës së tij. Ai thotë se ka aplikuar për shtetësi bullgare dhe ka në plan të studiojë në Bullgari, por ëndërron që një ditë të jetë i lirë të kthehet në Maqedoninë e Veriut.