Prokuroria raportoi një rritje drastike të proceseve kundër trafikantëve të emigrantëve. Në vitin 2019 u regjistruan 670 procese të reja, ndërsa në vitin 2022 ishin 2626. Vitin e kaluar për trafikimin e migrantëve u dënuan 2208 persona, ndërsa në vitin 2020 të dënuarit ishin 720. Këtë e bëri të ditur zëdhënësja e kryeprokurores Sijka Mileva. Ajo kujtoi se krimet e trafikimit hetohen nga Ministria e Brendshme dhe bëri thirrje për një punë më aktive për ndërprerjen e trafikimit të emigrantëve.

Ministria e Punëve të Brendshme po punon në mënyrë aktive për problemin e migrimit të paligjshëm. Këtë e deklaroi ministri i brendshëm në detyrë Ivan Demerxhiev. Ai gjithashtu tregoi se është planifikuar dërgimi i aparateve fluturuese pa pilot përgjatë kufirit tonë me Turqinë. Ato do të përdoren si në luftën kundër migracionit të paligjshëm ashtu edhe në luftën kundër korrupsionit. Sipas tij, 110 km të kufirit janë teknikisht të pasigurta. Në fund të vitit 2022, KE ndau 141 milionë euro për këtë qëllim, të cilat ende nuk janë të absorbuar, kujtoi Demerxhiev.