Në Turqi, shpresa për të gjetur jetë nën rrënojat u shua dhe ekipet ndërkombëtare të shpëtimit u larguan, duke u përcjellë me mirënjohje nga populli i prekur nga fatkeqësia natyrore e 6 shkurtit.
Shumica e ekipeve bullgare të shpëtimit janë kthyer tashmë nga Turqia, ku në vend mbeten 4 mjekë ushtarakë, informoi për BNR kryekomisioneri Aleksander Xhartov - drejtor i Drejtorisë së Përgjithshme "Siguria nga zjarri dhe mbrojtja e popullsisë". Ai raportoi se Bullgaria ishte një nga vendet më aktive që dërgoi ekipe pas tërmetit shkatërrues në Turqi.
Gjithsej 47 burra dhe gra nga Shoqata Kombëtare e Vullnetarëve në Bullgari morën pjesë në një operacion shpëtimi që zgjati mbi 80 orë në kërkim të banorëve vendas që mbijetuan nën rrënoja. Ata janë nga Formacion Vullnetar – Sofje, “Shpëtim Emergjent” – Pllovdiv, “Shpëtim në Shpella – Plovdiv 112”, Formacioni vullnetar “Mayday” e të tjera.
“Në kohën më të shkurtër të mundshme, brenda 4-5 orëve arritëm të blinim gjëra nga dyqanet që na mungonin si pajisje – çanta gjumi, çadra dhe në fund të njoftojmë punëdhënësit tanë, të cilët treguan mirëkuptim të madh” – thotë Krasimir Karakashev, drejtuesi formacionit vullnetar "Mayday" në një intervistë me BNR-Bllagoevgrad:
“Bullgaria ishte në një grup prej 47 vendesh të ndërtuar në bazën e organizatës së tyre që koordinon dhe drejton aktivitetet e kërkim-shpëtimit nga tërmeti. Kjo është një organizatë që është e përbërë nga qindra organizatamë të vogla dhe vullnetarë që ndihmojnë dhe bëjnë këtë punë. Në këtë bazë, për fat të keq, ne bullgarët ishim me pajisjet teknikë më të këqija. Ekipi bullgar kishte vetëm një mikrofon akustik, i cili vendosej në ndonjë pjesë të ndërtesave. Ishim në grupin e ekipeve të lehta, pasi përveç mikrofonit kishim dëshirën dhe njohuritë për të ndihmuar. Për fatin tonë të mirë, ne ishim në gjendje të përcaktonim 29 lokacione me njerëz të gjallë, të cilat u konfirmuan nga Kilian, një qen 6 vjeçar i cili udhëhiqet nga një nëpunës civil suedez - ai konfirmoi 12 nga këto 29 vendndodhje dhe falë kësaj pune në grup u shpëtuan 31 jetë njerëzish. Është një punë në grup, sepse nëse ne nuk e bëjmë punën tonë fillestare – të gjejmë një person të gjallë, të tjerët pas nesh nuk do të kenë se si të vazhdojnë më pas me punën”.
Në mbështetje të punës së vullnetarëve bullgarë në terren u mblodhën donacione me vlerë 84.000 leva. Sipas të gjitha gjasave, fondet e pashpenzuara prej rreth 60.000 leva do të investohen për blerjen e pajisjeve për formacionet vullnetare në vendin tonë. Kjo është jashtëzakonisht e domosdoshme, pasi, sipas Krasimir Karakashevit, formacionet vullnetare joqeveritare nuk mbështeten nga shteti. Atyre nuk u ndahen fonde shtetërore për mirëmbajtje, nuk u sigurohen ambiente për të zhvilluar veprimtarinë e tyre, nuk kanë mbështetje institucionale dhe ligjore. Shteti mbështet vetëm organizatat kombëtare dhe formacionet vullnetare bashkiake, megjithatë për disa prej tyre ështëe diskutueshme, nëse i përmbushin në mënyrë efikase detyrat e tyre dhe nëse janë të dobishme në raste fatkeqësish dhe aksidentesh.
“Në sfondin e 286 formacioneve bashkiake të krijuara në Bullgari, mund të them me plot gojë se prej tyre nuk punojnë më shumë se 30-40. Këto janë formacione që përpiqen të ndihmojnë njerëzit, por këtu ka diçka që është një bashkësi – duke filluar nga kryetari i bashkisë, këshilltari komunal dhe vullnetarët që punojnë së bashku për të ndihmuar qytetarët” – shpjegon Krasimir Karakashev.
Autore: Gergana Mançeva /nga intervista e BNR-Bllagoevgrad/
Përgatiti në shqip: Kostandina Bello
Foto: Facebook / Krasimir Karakashev, Facebook / Formacioni vullnetar “Mayday”
Instituti i Universitetit të Sofjes për Shkencën Kompjuterike, Inteligjencën Artificiale dhe Teknologjinë (INSAIT) ka më shumë punime në Computer Vision and Pattern Recognition Conference (CVPR’24) sesa universitetet më të njohura perëndimore...
Te data e sotme, është e vështirë të thuhet se shteti ka një strategji të qëndrueshme dhe të qëllimshme për bullgarët në mbarë botën dhe ruajtjen e njohurive për fisin dhe gjuhën bullgare. Përkundrazi, secila prej mediave bën atë që mundet dhe atë që..
Në Ditën Botërore të Refugjatëve – 20 qershor, në orën 11:00 në Terminalin 2 të Aeroportit të Sofjes do të hapet zyrtarisht ekspozita fotografike kushtuar fëmijëve refugjatë me titull “Pafajësia pa kufij”. Veprimtaria organizohet nga UNICEF,..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të..
Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të..
Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze..