Ministri i ekonomisë, Nikolla Stojanov, urdhëroi që përfaqësuesit tregtarë të Bullgarisë jashtë vendit të mbledhin të dhëna për çmimet e më shumë se 20 produkteve ushqimore bazë. Mes tyre janë mielli, vaji, orizi, fasulet, sheqeri, qumështi i freskët dhe jogurti, gjalpi, djathi i lopës, kaçkavalli, vezët, mishi. Informacioni do të përditësohet çdo javë. Kjo do të ndihmojë në analizën e formimit të çmimit të produktit nga prodhuesi tek përdoruesi përfundimtar. Atashetë do të monitorojnë çmimet në zinxhirët e mëdhenj ushqimorë në shtatë vende evropiane – Gjermani, Austri, Francë, Rumani, Greqi, Republikën Çeke, Kroaci, si dhe në pikat më të vogla të shitjes me pakicë në këto vende. Të dhënat do të përpunohen dhe krahasohen me çmimet në objektet tregtare në Bullgari. Të gjitha informacionet do të jenë publike. Qëllimi është të kufizohen praktikat e padrejta dhe tarifat e tepërta nga ana e tregtarëve.