Pasi Banka Qendrore Evropiane rriti me 0.5% normën kryesore të interesit në fillim të shkurtit, një muaj më vonë edhe Banka Popullore Bullgare e rriti atë me 0.35%. Kështu, nga 1 marsi norma kryesore e interesit bëhet 2.17 për qind dhe për herë të parë ndër vite treguesi kalon dy për qind nga 1.82 për qind në shkurt.

Përqindja e interesit kryesor, në fuqi nga dita e parë e çdo muaji kalendarik, është e barabartë me vlerën mesatare aritmetike të vlerave të indeksit LEONIA Plus, për ditët e punës të muajit të kaluar kalendarik. Indeksi është një vlerë mesatare e normave të interesit për të gjitha transaksionet për sigurimin e depozitave të pasigurta njëditore në levë bullgare në tregun ndërbankar në Bullgari. Ai është teknik, por pasqyron qartë tendencën e rritjes së normave të interesit dhe është i rëndësishëm për llogaritjen e kamatëvonesave.