Pesë janë formacionet e sigurta politike në parlamentin e ardhshëm dhe tri janë pak nën barrierën prej 4 për qind. Këtë e tregon një sondazh i agjencisë sociologjike “Alpha Research”. Rezultatet e sondazhit në fillim të fushatës parazgjedhore tregojnë barazi mes koalicioneve “Po e vazhdojmë ndryshimin”-“Bullgaria Demokratike” (PP – DB) (26.4 për qind) dhe GERB-SDS (25.2 për qind).

Bashkimi mes PP dhe DB është nën rezultatin e tyre të përbashkët nga votimi i tetorit. Vendin e tretë e zë Lëvizja për të Drejtat dhe Liritë (DPS) me 13.2 për qind. Pranë saj është “Vëzrazhdane” (11.3 për qind) - një nga të paktat formacione që mobilizuan mbështetje në periudhën ndërmjet dy zgjedhjeve. Një rënie në mbështetjen elektorale shënon BSP, e cila merr 7.4 për qind.

Relativisht afër barrierës zgjedhore janë “Ngritja Bullgare” me 3.8 për qind, formacioni i ri “E majta” me 3.6 për qind dhe “Ka një popull të tillë” (ITN) me 3.2 për qind.

Sondazhi u realizua në periudhën 21-27 shkurt 2023 nga Alpha Research, publikohet në faqen e agjencisë dhe zbatohet me fondet e veta. Anketa u krye me 1007 qytetarë të rritur nga i gjithë vendi.