Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pas incidentit mbi Detin e Zi: SHBA do të fluturojë kudo që e lejon ligji ndërkombëtar

Sergej Shojgu (majtas) dhe Lloyd Austin
Foto: BGNES

Ministrat e mbrojtjes të SHBA-së dhe Rusisë, Lloyd Austin dhe Sergej Shojgu folën me telefon në lidhje me incidentin me dronin amerikan që ra në Detin e Zi, njoftuan Reuters dhe TASS. Biseda u zhvillua me iniciativë të Shteteve të Bashkuara. Sipas një komunikate të mëvonshme të Ministrisë së Mbrojtjes të Rusisë , Shojgu ia bëri të qartë Austin se Rusia do t’u përgjigjet proporcionalisht provokimeve rreth kufijve të saj.

“Fluturimet e mjeteve ajrore strategjike amerikane pa pilot në brigjet e Krimesë kanë një natyrë provokuese, e cila krijon kushtet për një përshkallëzim të situatës në zonën e Detit të Zi”, tha ai. Nga ana e tij, Austin komentoi në një konferencë shtypi se: “Shtetet e Bashkuara do të vazhdojnë të fluturojnë dhe të operojnë kudo që e lejon ligji ndërkombëtar”. Ai i kërkoi Moskës që të drejtojë avionët e saj ushtarakë në një mënyrë të sigurt dhe profesionale. Uashingtoni beson se një gjuajtës rus goditi helikën e aeroplanit mbikëqyrës pa pilot të SHBA-së, ndërsa Moska mohon të ketë pasur kontakt mes dy avionëve dhe ia atribuon incidentin një manovre të mprehtë nga SHBA. Incidenti ishte konfrontimi i parë i drejtpërdrejtë midis Shteteve të Bashkuara dhe Rusisë që nga fillimi i luftës në Ukrainë.

Këshilli i Ministrave nuk diskutoi një kontratë të re midis Bullgarisë dhe Ukrainës për ofrimin e ndihmës ushtarake, njoftoi shërbimi për shtyp i qeverisë. Kabineti propozon që çdo ndihmë e mëtejshme ushtarake për vendin e sulmuar të votohet sërish nga Kuvendi Popullor. “Thëniet se po përgatitet një marrëveshje e re me Ukrainën për sigurimin e armatimeve janë manipuluese”, komentoi ministri i mbrojtjes Dimitër Stojanov. Sa i përket vizitës së komisionerit evropian për tregun e brendshëm, Tieri Breton, vendi ynë është i interesuar të rrisë kapacitetet e industrisë sonë të mbrojtjes dhe mirëpret mbështetjen e BE-së, por në asnjë mënyrë nuk është i përkushtuar për furnizimin me armë Ukrainës, theksohet në mesazhin e kabinetit. Bashkimi Evropian po zhvillon një skemë për prodhimin më të madh të armëve dhe municioneve për të mbështetur ushtrinë ukrainase. Plani ofron ndihmë për 15 kompani armësh në 11 vende.




Последвайте ни и в Google News Showcase, за да научите най-важното от деня!

Më shumë nga rubrika

PP-ja shqyrton mundësinë e votës së mosbesimit ndaj qeverisë pas 9 korrikut

Negociatat për një mocion mosbesimi ndaj qeverisë së Rosen Zhelтazkov do të fillojnë pas 9 korrikut, kur miratimi i euros në Bullgari bëhet i pakthyeshëm. Kjo u njoftua nga "Po e vazhdojmë ndryshimin" (PP) në një konferencë për gazetarët në Kuvendin..

botuar më 25-06-05 6.31.MD
Georg Georgiev

Bullgaria nuk do të heqë dorë nga kushtet e saj për anëtarësim të Maqedonisë së Veriut në BE

Bullgaria nuk do të tërhiqet nga qëndrimi i saj parimor mbi integrimin evropian të Ballkanit Perëndimor dhe po i respekton angazhimet e saj, por gjithashtu këmbëngul që Maqedonia e Veriut të respektojë marrëveshjet e arritura. Këtë e tha në margjinat..

botuar më 25-06-05 3.23.MD
Rosen Zheljazkov dhe Valldis Dombrovskis

Rosen Zhejazkov: Përshtatja e euros nuk do të thotë se po e braktisim monedhën tonë kombëtare

Bullgaria është e vlerësuar sipas meritave të saj për përmbushjen e kritereve të konvergjencës së Maastrihtit, gjë që tregon ngjashmërinë e ekonomisë bullgare me kërkesat e Bashkimit Evropian për qëndrueshmëri dhe stabilitet, tha kryeministri Rosen..

botuar më 25-06-05 1.22.MD