Natën e 15-16 marsit 2023, persona të panjohur hynë në objektin e Qendrës Kulturore dhe Informative të Bullgarisë në Shkup, Republika e Maqedonisë së Veriut, duke shkaktuar dëme materiale në qendër, e cila u hap më 25 nëntor 2022. Pavarësisht nga motivi i autorëve, krimi është sulm kundër vetë shtetit bullgar, në personin e një institucioni shtetëror, bëri të ditur Ministria e Punëve të Jashtme e Bullgarisë. Nga atje kujtojnë se me marrëveshjen dypalëshe për hapjen e qendrave kulturore dhe informative nga viti 2003, të dy vendet kanë marrë përsipër të garantojnë funksionimin normal të qendrave kulturore dhe informative në dy kryeqytetet. Pala bullgare pret nga Republika e Maqedonisë së Veriut që autorët e krimit të identifikohen dhe të dënohen sipas ligjit.