Pekini është i gatshëm të diskutojë gjetjen e një zgjidhjeje politike për konfliktin në Ukrainë, tha zëdhënësja e Ministrisë së Jashtme kineze Mao Ning.Deklarata u bë para mbërritjes në Pekin më 5 prill të presidentit francez Emmanuel Macron dhe kryetares së Komisionit Evropian, Ursula von der Leyen. Më herët, Macron foli në telefon me presidentin amerikan Joe Biden. Ata ranë dakord ta "angazhojnë Kinën që të përshpejtojë përfundimin e luftës në Ukrainë dhe të marrë pjesë në ndërtimin e paqes së qëndrueshme në rajon", njoftoi Pallati Elysée.

Qëndrimi ynë ndaj Kinës do të varet nga pozicioni që Pekini do të marrë përfundimisht për luftën në Ukrainë, tha në një konferencë shtypi Komisioneri Evropian për Punët e Jashtme Josep Borrell.

Presidenti i Bjellorusisë, Aleksandër Lukashenko, po arrin për një vizitë dyditore në Moskë për të biseduar me homologun e tij rus, Vladimir Putin, njoftoi Kremlini. Më herët, Lukashenko tha se kishte një bisedë shumë serioze me kreun e inteligjencës ruse Sergej Narishkin, i cili e informoi atë për kërcënimet serioze ndaj Bjellorusisë, njoftoi agjencia shtetërore e lajmeve Belta.

Presidenti i Ukrainës, Volodimir Zelenski, do të vizitojë Poloninë më 5 prill. “Vizita do të bëhet me ftesë të Presidentit të Polonisë Andrzej Duda.