Ministria e Mbrojtjes nuk ka zhvilluar bisedime për ofrimin falas të avionëve luftarakë bullgarë MiG-29 në Ukrainë. Këtë e bëri të ditur Ministria, pasi CNN raportoi më herët se një nga dokumentet e zbuluara nga Pentagoni përmend gatishmërinë e vendit tonë për të dhuruar MiG-29, raportoi reporteri i BNR, Dobromir Videv.

• Sofja i ka ofruar Kievit avionët e saj gjuajtës sovjetikë

Ministria e Mbrojtjes rikujton se ofrimi i avionëve luftarakë bullgarë MiG-29 pa pagesë do të çonte në një deficit të kapaciteteve dhe nuk do të ishte në përputhje me Kushtetutën. “Në zbatim të vendimit të Kuvendit Popullor nga fundi i vitit 2022, Ministria e Mbrojtjes ka zhvilluar bisedime të njëpasnjëshme për mundësitë e zbatimit të të ashtuquajturave “marrëveshje trekëndore” për zëvendësimin e një pjese të armatimit në dispozicion me ato të pajtueshme nga vendet aleate, pa lejuar humbje të aftësive”, thekson dikasteri.