Gjatë natës do të jetë kryesisht i kthjellët me vranësira të shpërndara të larta, por nga perëndimi do të fillojë të trashet. Do të fryjë erë e lehtë nga jug-juglindja. Temperaturat minimale do të lëvizin ndërmjet 4° dhe 9°, në Sofje rreth 5°.

Të premten do të vazhdojë rritja e vranësirave nga perëndimi rreth dhe pas mesditës në Bullgarinë Perëndimore, në mbrëmje në atë qendrore, ndërsa natën duke u gdhirë e shtuna edhe në atë lindore do të ketë reshje shiu. Temperaturat maksimale do të jenë ndërmjet 20° dhe 25°, vende-vende në rajonet perëndimore dhe përgjatë Detit të Zi pak më të ulëta, në Sofje - rreth 21°.

Edhe në zonat malore vranësirat nga perëndimi do të rriten me shpejtësi dhe pas mesditës dhe mbrëmjes do të ketë reshje shiu dhe mbi rreth 2000 metra borë. Erë e fortë jugperëndimore do të fryjë në zonat më të larta të maleve Rilla dhe Pirin. Temperatura maksimale në një lartësi prej 1200 metrash  do të jetë rreth 12°, në 2000 metra - rreth 4°.

Mbi Detin e Zi do të ketë vranësira të shpërndara, të cilat në mbrëmje do të shtohen, por do të mbeten pa reshje. Do të fryjë erë kryesisht mesatare jugore. Temperaturat maksimale do të jenë nga 13° në bregdetin verior deri në 18°-19° në bregdetin jugor. Temperatura e ujit të detit është 9°-10°.